|
Adr.3650 TINN AUSTBYGD |
|
|
Velkommen til Haukås Lurås 3-delte barneskule. For å finne oss må du køyre til Tinn Austbygd, om lag 30 km frå Rjukan og fortsetje mot Tessungdalen. Det går 32 elevar frå 1-7 kl på skulen vår. Elevene har eigen heimeside se: http://home.no.net/kkalas/ I tillegg har vi ein korttidsbarnehage, samt skulefritidsordning. Det er 6 lærarar, skulefritidsleiar, 1 assistent samt reinhaldar som jobbar her. I tillegg har vi kontorhjelp ein gong i veka. Uteområdet ved skulen er veldig bra. Om vinteren kan elevane velge mellom hoppbakke, akebakke, skeisebane, klatring i klatrevegg eller snøholegraving. Om sommaren er det fotballbane, volleyballbane, klatrevegg, basketbane, sandkasse, gapahuk og sklie. Elevane byggjer hytter i skogen bak skulen. Vi har eit unikt kulturminneområde rett i nærleiken av skulen. Haukås Lurås skule stod ferdig i 1922. Haukås og Lurås skulekrinsar vart då slegne saman til ein. I 1997 kom også Tessungdalen inn under Haukås Lurås. Opp gjennom tida har det vore mange ombyggingar. Dei to siste i 1982 og 1991. Skuleplassen fekk si noverande form i 1989 etter ein kjempeinnsats av foreldre og bygdefolk i form av dugnadsarbeid. Pedagogisk er vi opptekne av å gjennomføre L-97. Vi har særleg konsentrert oss om tema- undervisning på tvers av klassetrinn. Vi har også jobba mykje med å tilrettelegge for sosial læring. Vår visjon er: Haukås Lurås skule er ein stad der elevane kan leike, utvikle seg og tileigne seg kunnskap i eit miljø der dei kjenner seg trygge og trivst. I år 2000 er UTESKULE prioritert ved at elevar, lærarar og foreldre byggjer opp eit uteskuleområde i nærleiken av skulen. |